Mərhum əməkdar artistin oğlundan nazirliyə İTTİHAM

29 января 2016 15:56

Day.Az представляет новость на азербайджанском языке.

Akademik Milli Dram Teatrın aktyoru, əməkdar artist Ələsgər Məmmədoğlunun ölümündən 40 gün keçir.

Day.Az bildirir ki, mərhum aktyorun oğlu Ceyhun Məmmədov aznews.az-a açıqlamasında bildirib ki, mərasim Bolluq bazarının yanında keçirilir:

"Atamın sənət yoldaşları, dostları bu 40 gündə bizi tək buraxmadı. Cümə axşamlarında həmişə onu yad etdi. Elə bu gün də gəlib atamın məclisində iştirak edirlər".

C.Məmmədov qeyd edib ki, Ə.Məmmədoğlunun dəfn və yas mərasimlərinə Mədəniyyət və Turizm Nazirliyindən heç bir dəstək olunmayıb: "Mərasimlə bağlı bizə yardım edilməyib. Atam dünyasını dəyişən günü Təzə Pir Məscidində yuyulmasını "Azdrama" təşkil edib, vəssalam. Mədəniyyət və Turizm Nazirliyindən heç kimi görməmişik, atamın yas mərasiminə gəlməyiblər. "Azdrama"nın direktoru Azər Paşa Nemətov isə dəfn və 3 mərasimində bizdə olub." 

Qeyd edək ki, aktyor 2015-ci ilin dekabrın 21-də xərçəng xəstəliyindən dünyasını dəyişib.

Xatırladaq ki, Akademik Milli Dram Teatrı aktyorun dəfn xərcinin və yas mərasiminin bir qisminin Mədəniyyət və Turizm Nazirliyi tərəfindən qarşılanacağı ilə bağlı məlumat vermişdi. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.