İcra Hakimiyyətinin maşını qəzaya düşdü:

Day.Az представляет новость на азербайджанском языке

Gəncədə 3 nəfərin xəsarət alması ilə nəticələnən yol qəzası baş verib.

"Qafqazinfo" xəbər verir ki, Gəncə Şəhər Təcili Tibbi Yardım Xəstəxanasından ans press-ə verilən məlumata görə, hadisə şəhərin Ozan küçəsində qeydə alınıb.

Şəhər sakini 1992-ci il təvəllüdlü Əziz Həsənovun idarə etdiyi "QAZel" markalı avtomobil sürücüsü müəyyən edilməyən avtomobillə toqquşub. Hadisə zamanı 24 yaşlı sürücü Əziz Həsənov və avtomobildə olan sərnişinlər 49 yaşlı Surxay Bayramov və 31 yaşlı Vüsal Pirani müxtəlif bədən xəsarətləri ilə Gəncə şəhər xəstəxanasına çatdırılıblar.

Xəstəxanadan hər üç yaralının vəziyyətinin orta ağır olduğunu, müalicələrinin davam etdirildiyini bildirdilər.

Xəstaxanadan verilən məlumata görə, qəzaya uğrayan avtomobil Gəncə Şəhər İcra Hakimiyyətinə məxsus olub və fəhlələrin də icra hakimiyyətinin işçiləri olduğu bildirilir.

Faktla bağlı Gəncə Şəhər Baş Polis İdarəsində araşdırma aparılır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.