Türkiyəyə uçan təyyarədə bomba həyəcanı

Day.Az представляет новость на азербайджанском языке

Xarkov-İstanbul reysi təyyarə göyərtəsində bomba olması xəbərdarlığı ilə təxirə salınıb.

Day.Az anspress-ə istinadən bildirir ki, 128 sərnişin təxliyyə olunub və hazırda hüquq-mühafizə orqanları təyyarə və Xarkov hava limanında yoxlama aparırlar.

"Bu gün saat 03:30-da hava limanının administrasiyasına naməlum şəxs zəng edib və təyyarələrdən birində partlayıcı qurğu olduğunu deyib. Bu məlumata görə, Xarkov-İstanbul reysi təxirə salınıb", - deyə Xarkov vilayətinin milli polisinin məlumatında deyilir.

Polisin məlumatına görə, bütün sərnişinlər təxliyə olunub, mühafizə orqanları təyyarəni və baqajı yoxlayırlar, hadisə şahidlərini sorğu-sual edirlər.

Xarkovdan İstanbula sonuncu təyyarə bu gün saat 08:28-də havaya qalxıb.

Oxşar hadisə ötən gün Türkiyədə qeydə alınıb.  Türkiyə Hava Yollarına məxsus təyyarənin İstanbul-Kayseri reysində bomba həyəcanı yaşanıb.

Təyyarə havaya qalxmağa hazırlaşdığı vaxt ekipaj üzvlərindən biri ayaqyolunun qapısına yazılmış bomba sözünü görüb.

Bundan sonra sərnişinlər təyyarədən təxliyə ediliblər.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.