3 maşın bir-birinə girdi, 2 nəfər yaralandı - Zəncirvari qəza

Day.Az представляет новость на азербайджанском языке.

Göyçayda zəncirvari avtomobil qəzası baş verib.

3 minik avtomobilinin toqquşması ilə nəticələnən hadisə şəhərin Mehdi Hüseynzadə küçəsində qeydə alınıb. "VAZ-2106", "VAZ-2107" və "QAZ-2410" markalı minik avtomobillərinin toqquşması nəticəsində 2 nəfər xəsarət alıb. 

Milli.Az Region TV-yə istinadən xəbər verir ki, rayonun Göyçayın Cəyirli kənd sakini Ramin Babayev və şəhər sakini Soltan Hacıyev müxtəlif dərəcəli bədən xəsarətləri ilə Göyçay Rayon Mərkəzi Xəstəxanasına yerləşdiriliblər. 

Hadisənin hansı səbəbdən baş verdiyi dəqiqləşdirilir. Faktla bağlı Göyçay rayon Polis Şöbəsi tərəfindən araşdırma aparılır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.