Bir güləşçimiz qızıl, digərləri bürünc uğrunda güləşəcəklər - VİDEO

Day.Az представляет новость на азербайджанском языке

Rumıniyanın paytaxtı Buxarest şəhərində güləş üzrə gənclər arasında Avropa çempionatı davam edir.

Azərbaycan Güləş Federasiyasından Trend-ə verilən məlumata görə, çempionatın beşinci günündə 50, 60, 74 və 96 kq çəkidə sərbəst güləşçilər mübarizəyə qoşulublar.

50 kq çəkidə mübarizə aparan Əliabbas Rzazadə ilk görüşündə Rusiya təmsilçisinə uduzsa da, rəqibin finala yüksəlməsi ilə təsəlliverici görüşə qatılıb. Türkiyə təmsilçisinə tam üstünlüklə qalib gələn güləşçimiz bürünc medal uğrunda görüşə haqq qazanıb. Son görüşdə rəqib Gürcüstan idmançısı olacaq.

74 kq çəkidə mübarizə aparan Murad Süleymanov ilk olaraq Yunanıstan təmsilçisinə vaxtından əvvəl qalib gəlib. Ardınca Gürcüstan və Polşa idmançılarını mübarizədən kənarlaşdıran Murad yarımfinalda Litva təmsilçisini vaxtından əvvəl məğlub edib və finala yüksəlib. Həlledici görüşdə güləşçimiz Rusiya təmsilçisi ilə qarşılaşacaq.

96 kq-dakı təmsilçimiz Məhəmmədrəsul Qazıməhəmmədov ardıcıl olaraq Moldova və Belarus idmançılarını məğlub edib. Yarımfinalda Gürcüstan təmsilçisi ilə gərgin keçən görüşdə uduzan güləşçimiz bürünc medal şansı qazanıb. Həlledici görüşdə onun rəqibi Almaniya təmsilçisi olacaq.

Final görüşləri Bakı vaxtı ilə saat 19:00-da başlayacaq.

50 kq
1/16 final - Georgiy Okorokov (Rusiya) - Əliabbas Rzazadə 6:5
Təsəlliverici görüş - Əliabbas Rzazadə - Sinan Yıldırım (Türkiyə) 10:0
Bürünc medal görüşü - Əliabbas Rzazadə - Giorgi Xaçidze (Gürcüstan)

60 kq
1/8 final - Gevorg Tadevosyan (Ermənistan) - Əli Rəhimzadə 6:7
1/4 final - Əli Rəhimzadə - Selim Kozan (Türkiyə) 4:6
Təsəlliverici görüş - Yaroslav Hurskiy (Ukrayna) - Əli Rəhimzadə 5:4

74 kq 
1/16 final - Murad Süleymanov - Pavlos Tsopouzidis (Yunanıstan) 10:0 (88 san.)
1/8 final - Tariel Qafrindaşvili (Gürcüstan) - Murad Süleymanov 10:16
1/4 final - Kamil Rıbiçki (Polşa) - Murad Süleymanov 3:7
1/2 final - Andrius Mazeika (Litva) - Murad Süleymanov 0:10 (101 san.)
FİNAL - Zaurbek Sidakov (Rusiya) - Murad Süleymanov

96 kq 
1/8 final - Məhəmmədrəsul Qazıməhəmmədov - Dmitri Ceacusta (Moldova) 5:3
1/4 final - Məhəmmədrəsul Qazıməhəmmədov - Aliaksey Rudzianok (Belarus) 9:3
1/2 final - Məhəmmədrəsul Qazıməhəmmədov - Givi Matçaraşvili (Gürcüstan) 2:5
Bürünc medal görüşü - İlya Matuhin (Almaniya) - Məhəmmədrəsul Qazıməhəmmədov

Digər xəbərləri Azərbaycan dilində xüsusi Facebook səhifəmizdə izləyə bilərsiniz.