Kiş kəndi işıqsız qaldı - Müvəqqəti körpü yenə uçdu

Day.Az представляет новость на азербайджанском языке

Bu gün təbiət növbəti dəfə Şəkinin Kiş kənd sakinlərini sınağa çəkib.

Günün ikinci yarısında dağlıq ərazilərə, şəhərin yuxarı hissəsinə yağan şiddətli yağışlar yenə də fəsadlara səbəb olub.

Day.Az Region TV-yə istinadən xəbər verir ki, yağıntının miqdarının çox olması səbəbindən Kiş çayında suyun səviyyəsi bir neçə dəfə artıb. Bir müddət əvvəl Kiş kəndi ilə rayon mərkəzi arasında salınan müvəqqəti körpünün bir hissəsi uçub. Nəticədə bir müddətliyə həmin ərazidən gediş-gəliş məhdudlaşıb. Bundan başqa su çayın bəzi hissələrindən sızaraq yaxınlıqdan keçən avtomobil yoluna axıb. Hadisə nəticəsində Kiş kəndinin elektrik təminatı da dayanıb.

Fəsadları aradan qaldırmaq üçün əraziyə çoxlu sayda işçi qüvvəsi və canlı texnika cəlb olunub. Körpü düzəldilib, gediş-gəliş bərpa olunub. Hazırda rəsmilər, əlaqədar qurumların səlahiyyətliləri hadisə yerindədirlər. Dəyən ziyanın həcmi müəyyənləşdirilir.

Sakinlərin sözlərinə görə, istifadə etdikləri müvəqqəti yol belə sıradan çıxıb: "Müvəqqəti olan körpünü apardı su. İşıq xəttini zədələdi. Hal-hazırda Kiş kəndində işıq yoxdur. Gediş gəliş yoxdu. Nohur gəndi ilə gedib-gəlirdilər. Onu da yağış dağıtdı. Mümkün deyil". 

Videonu izləmək üçün şəklə klikləyin:

Kiş çayı yenə coşub, fəsadlar var

Digər xəbərləri Azərbaycan dilində xüsusi Facebook səhifəmizdə izləyə bilərsiniz.