Sabah bu rayonlarda qaz olmayacaq

Day.Az представляет новость на азербайджанском языке

Avqustun 31-də saat 10:00-dan 18:00-dək "Qaz İxrac" İdarəsinin Abşeron magistral qaz kəmərləri sahəsinin "Zığ", Ağdaş magistral qaz kəmərləri sahəsinin "Borsunlu", "Dəliməmmədli" və "Zazalı", Ağdam magistral qaz kəmərləri sahəsinin "Bərdə", həmçinin Siyəzən magistral qaz kəmərləri sahəsinin "Taxtalar" və "Siyəzən Broyler" qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.
 
Day.Az SOCAR-a istinadən bildirir ki, təmir müddətində Samux rayonunun Əliuşağı, Zazalı və Qiyaslı kəndlərinin, eyni zamanda Goranboy rayonunun Dəliməmmədli və Borsunlu kəndlərinin qaz təchizatında məhdudiyyətlər olacaq.
 
Aparılan işlərin Bakı şəhəri Xətai və Suraxanı, Şabran, Siyəzən, Bərdə və Göygöl rayonlarının bir hissəsinin qaz təchizatına təsir göstərməsi də mümkündür.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.