Bakıda bina alışdı, zəhərlənən var

Bakıda yanğın hadisəsi qeydə alınıb.

Milli.Az FHN-nin saytına istinadən bildirir ki, yanğın paytaxtın Xətai rayonunda çoxmərtəbəli yaşayış binasının pilləkən qəfəsinin 1-ci mərtəbəsində quraşdırılmış elektrik şitində baş verib. Nəticədə 1 ədəd elektrik açarı yanıb. Yanğın zamanı 1 nəfər bina sakini tüstüdən yüngül zəhərlənib və Təcili Tibbi Yardım Xidməti tərəfindən ona yerində ilkin tibbi yardım göstərilib. Mənzillər yanğından mühafizə olunub.