Metroda qatarda nasazlıq yaranıb - sərnişinlər boşaldılıb

30 ноября 2016 14:14

Day.Az представляет новость на азербайджанском языке

Bakı Metropoliteninin "Azadlıq prospekti" stansiyasında hərəkət edən qatarda nasazlıq yaranıb.

Bu barədə Trend-ə qurumun mətbuat xidmətinin rəhbəri Nəsimi Paşayev məlumat verib.

Onun sözlərinə görə, qatar hərəkətdə olarkən problem yaranıb:

"30 saylı qatarda nasazlıq baş verib. Sərnişinlər "Nəsimi" stansiyasında qatardan boşaldılıb və qatar texniki baxış üçün depoya göndərilib. Narahatlıq üçün əsas yoxdur".

N.Paşayev bildirib ki, stansiyaya yeni qatar göndərilənə qədər intervalda gecikmə yaranıb. Hazırda qatarların hərəkətində interval bərpa edilib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.