Aktyorun ölümünə səbəb olan şəxs həbs olundu - FOTO

1 декабря 2016 23:52

Day.Az представляет новость на азербайджанском языке

Türkiyənin məşhur aktyoru Erdal Tosun ölümünə səbəb olan sürücü Nihat Şaki həbs olunub.

Axşam.az-ın Türkiyə mətbuatına istinadən məlumatına görə, ifadə verən Nihat hadisəni tam olaraq xatırlamadığını deyib:

"Mən səhər tezdən evdən çıxıb müdirimi götürməyə gedirdim. Hava alaqaranlıq idi və yollar su olduğundan sürüşürdü. Avtomobili asta sürürdüm. Birdən necə oldusa, maşının ön pəncərəsinə su sıçradı. Sonrası yadımda deyil. Mən huşumu itirmişəm. Heç ağlıma da gəlməyib ki, başqa bir maşınla toqquşmuşam. Ancaq onu xatırlayıram ki, asfalt üzərində idim və məni təcili tibbi maşına qoyub xəstəxanaya apardılar".

Şakı qəzaya düşdüyünü və qarşı tərəfdə aktyorun öldüyünü dostundan eşitdiyini bildirib: 

"Dostum dedi ki, iki maşın toqquşub və Erdal Tosun hadisə yerində can verib. Mən o aktyoru filmlərdən tanıyırdım. Baş verənlərə görə, çox üzgünəm və peşmanam".

İfadəsi alınan sürücü barədə qərar məhkəmədən sonra bilinəcək.
 
Qeyd edək ki, ötən gün İstanbulda Leventdən Sarıyer istiqamətinə gedən bir avtomobil idarəetməsini itirərək Erdal Tosun avtomobilinə çırpılıb.

Qəza nəticəsində aktyor maşının içində əzilərək yerindəcə dünyasını dəyişib. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.