Putin Ərdoğanla görüşmək niyyətindədir

Rusiya Prezidenti Vladimir Putin bildirib ki, Türkiyə baş naziri Binəli Yıldırımın Moskvaya səfəri yüksək səviyyəli sammit üçün əsas olacaq.

Milli.Az Trend-ə istinadən bildirir ki, V.Putin Baş nazirlə görüşündə "Türk axını" barədə sazişin ratifikasiyası ilə bağlı qanunu imzaladığı üçün Rəcəb Tayyib Ərdoğana təşəkkür edib.

V.Putin deyib ki, bu çox vacib layihədir: "Bizim hazırda da çoxlu birgə layihələrimiz var. Hesab edirəm ki, bu səfər bizim Türkiyə prezidenti ilə görüşümüzə və yüksək səviyyəli sammitin keçirilməsinə əsas yaradır".