Bakıda dəniz kənarından çürümüş kişi meyidi tapıldı

13 января 2017 12:38

Day.Az представляет новость на азербайджанском языке

Bakıda dəniz kənarından çürümüş kişi meyidi tapılıb.

Day.Az xəbər verir ki, Sabunçu Rayon Polis İdarəsinin 14-cü Polis Bölməsindən APA-ya verilən məlumata görə, Bilgəh qəsəbəsi ərazisində dənizdə boğulmuş kişinin meyidi ötən il dekabrın 8-də aşkar edilib.
 
Dərhal ekspertlərin iştirakı ilə meyidə baxış keçirilib. Baxış zamanı müəyyən edilib ki, onun əynində göy rəngli, üzərində "MEXX" yazılmış cins şalvar, qara rəngli kəmər, qara rəngli corab, üzərində "DANAGİ" yazılmış ayaqqabı olub.
 
Baxış zamanı həmçinin meyidi tapılan şəxsin sünnət olunmadığı müəyyən edilib. O, 25-30 gün əvvəl öldüyündən cəsədin üzərində çürümə əlamətləri müşahidə olunub. Həmçinin bədənin müxtəlif hissələrini balıqlar yeyib. Meyidi tapılan şəxsin yaşının 45-55, boyunun uzunluğunun isə 180 sm olduğu ehtimal edilir. 
 
Hazırda onun şəxsiyyətinin müəyyənləşdirilməsi istiqamətində tədbirlər davam etdirilir.
 
Onu tanıyanlardan (012) 455 02 02, (012) 455 44 32 telefon nömrələrinə məlumat vermələri xahiş olunur. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.