Yeni qurğu dərhal 3D fotoşəkillər yaradacaq

14 января 2017 08:05

Day.Az представляет новость на азербайджанском языке

ABŞ-ın "Bellus3D" şirkəti "CES" istehlak elektronikası sərgisi çərçivəsində bir neçə saniyəyə üçölçülü formatda (3D) fotoşəkillər yaratmağa imkan verən qeyri-adi yeni qurğu nümayiş etdirib.

Day.Az ICTnews-a istinadən bildirir ki, kompakt şəkilli aksessuarı daşımaqla yanaşı, "Android" əməliyyat sisteminin idarəetməsi ilə işləyən planşet və ya smartfonun yuxarı hissəsinə bərkitmək mümkündür. Yeni qurğu iki infraqırmızı rəng qamma ötürücüsü və obyektin fotosunun üçölçülü skan edilməsi üçün digər iki infraqırmızı lazer projektorla təchiz edilib.   

Məlumata görə, yeni texnologiyaya malik ilk modellərin bu ilin sonunda təqdim ediləcəyi gözlənilir. Hazırda hazırlanma və təkmilləşdirilmə mərhələsində olan qurğunun qiyməti 300 dollar təşkil edəcək.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.