Xaçmazda maraqlı ideya: nömrələdilər, xilasedicilərin işini asanlaşdırdılar - VİDEO - FOTOLAR

16 февраля 2017 15:55

Day.Az представляет новость на азербайджанском языке

Təcili yardımın və yanğınsöndürənlərin işi rahatlaşıb.

Day.Az ARB TV-yə istinadən xəbər verir ki, Xaçmazın Qoçaqlı kəndində sakinlərdən birinə məxsus olan ideya hamı tərəfindən maraqla qarşılanıb.

Bu kəndə daxil olduğunuz andan etibarən 1-dən 7-yə kimi küçə adları ilə qarşılaşırsınız. Küçələri fərqləndirmək üçün müvafiq nişanlar da qoyulur. 3 il öncə edilən nümunəvi addımla kənd sakinlərinin işləri də asanlaşıb. Onlar hamıya evlərinin kəndin hansı hissəsində yerləşdiyini rahat deyə bilirlər.

Şahlar Kamilov (sakin): "Qonaq gələndə evi rahat tapmaq üçün hansı küçədə yaşadığımızı deyirik. Təcili yardım və yanğınsöndürənlərin də xüsusən rahat gəlib çatması üçün bu addım atılıb".

Küçələrin adlandırılması zamanı yerləşdirilmə ardıcıllığı əsas götürülüb. Bu küçələrdən ən böyüyü 7-incisidir. Kənddəki 11 əsas küçədən 7-si adlandırılıb. Qalanlarının adlandırılması bu ilə nəzərdə tutulur.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Videonu izləmək üçün şəklə klikləyin:
Xaçmazda maraqlı ideya: nömrələdilər, xilasedicilərin işini asanlaşdırdılar