İrlandiyalılar Napoleonun atının skeletini tələb edir

Day.Az представляет новость на азербайджанском языке

İrlandiyanin Kork qraflığının Battevent kəndinin sakinləri Böyük Britaniya Milli Hərbi muzeyindən fransız imperatoru Napoleon Bonapartın atının skeletini verməyi tələb ediblər.

Day.Az publika.az-a istinadən xəbər verir ki, bu haqda "The Telegraph" nəşri bildirib.

İrlandiyalıların sözlərinə görə, Marengonu Battevent kəndində böyüdüblər, sonra isə at yarmarkasında satılıb. Kəndin yaxınlığında yerləşən Mallou şəhərinin bələdiyyə nümayəndələri muzeyə rəsmi müraciəti göndəriblər. İrlandiyalılar iddia edirlər ki, atın skeleti doğma kənddə daha çox ziyarətçi cəlb edəcək.

Qeyd edək ki, ata Napoleonun avstriyalılara qarşı İtaliyada qələbə qazandığı Marengo müharibəsinə görə Marengo adı verilib. At haqqında saysız-hesabsız əfsanələr danışılır. Austerlitz, Jena, Vagram müharibələrində imperatoru daşımış, bir ara Vyana ilə Semmering arasındakı 80 kilometr yolu ac-susuz keçmiş və Moskvaya qədər gedib-qayıtmışdır. Fransız mənbələrinə görə, Marengo həqiqətən də imperatorun çox sevdiyi bir at olub. Napoleonun tanınan atlarının sayı 100-ü keçirdi.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.