Almanların rekordu Bakıda QIRILDI - VİDEO
Bu gün DÇ-2018-in seçmə mərhələsi çərçivəsində Azərbaycan millisi Almaniya yığmasını qəbul edib.
Milli.Az Trend-ə istinadən bildirir ki, oyunda ilk qol almanlardan gəlib - 19-cu dəqiqədə Andre Şürrle fərqlənib. 31-ci dəqiqədə Dmitri Nazarovun qapının sağ küncünə zərbəsi dəqiq olub - 1:1. Bu, təqribən son 9 ayda Almaniya komandasının buraxdığı ilk qol olub.
Lakin 5 dəqiqə sonra Tomas Müller yenidən rəqibi önə keçirib. İlk hissənin sonunda isə millimizi Mario Qomes məyus edib.
İkinci hissədə komandamız daha fəal oyun sərgiləsə də, 81-ci dəqiqədə qapıda daha bir qol görüb: A.Şürrle - 1:3.
Xatırladaq ki, millimiz növbəti oyununu iyunun 10-da Bakıda Şimali İrlandiya yığmasına qarşı keçirəcək.
Заметили ошибку в тексте? Выберите текст и сообщите нам, нажав Ctrl + Enter на клавиатуре