Bakıda sərnişin avtobusunda "toy kolonkası" - VİDEO - FOTOLAR

20 мая 2017 13:47

Day.Az представляет новость на азербайджанском языке

Azərbaycanda İnzibati Xətalar Məcəlləsinə edilən son dəyişikliyə görə, şəhərdaxili marşrutlarda audio cihazlardan istifadə sərnişindaşıma qaydalarının pozulması hesab olunur. Bu qayda pozuntusuna görə 40 manatdan 50 manatadək cərimə nəzərdə tutulub. Bir sözlə, avtobuslarda audio cihazların, radio, maqnitofon və musiqi dinləmək üçün digər vasitələrin istifadəsi qəti qadağandır. Nəqliyyat vasitələrinin salonlarında səs-küy yaradaraq sərnişinlərin zövqünü və əsəblərini korlayan musiqilər oxudan sürücülər 40-50 manat məbləğində cərimələnə bilər.

Day.Az xəbər verir ki, unikal.org bu sahədə bir sıra araşdırma aparıb. Məlum olub ki, bir neçə il bundan əvvəl şəhər daxili avtobuslarda bu istiqamətdə real tədbirlər görülsə də, hazırda bu məsələyə müvafiq qurumlar məhəl qoymurlar.

Bu gün əksər sərnişin avtobuslarında bu hala rast gəlinir.

Unikal.org-un əməkdaşı 165 saylı 10 TG 836 dövlət nömrə nişanlı avtobusda bu halı müşayiət edib.

Məlum olub ki, ev şəraitində istifadə edilən səsgücləndirici qurğu avtobusa quraşdırılıb. Narazı sərnişinlərə məhəl qoymayan sürücü yüksək tonla, özünü diskotekada hiss edirmiş kimi yoluna davam edir.

Həmin avtobusdan çəkilmiş video və fotoları oxuculara təqdim edirik. Videoda Azərbaycanın məşhur xanım müğənnisi Aygün Kazımovanın musiqi sədaları altında sərnişinlər daşınır. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Videonu izləmək üçün şəklə klikləyin:
Diskoteka yoxsa avtobus?