Natavan Həbibi məşhur repçiyə ərə gedir - YENİLƏNİB - FOTO

18 июня 2017 13:58

Day.Az представляет новость на азербайджанском языке

----------
13:58

Tanınmış müğənni Natavan Həbibinin instaqramda paylaşdığı foto şou gündəmini zəbt edib. Belə ki, fotoda sənətçinin ailə quracağı şəxslə əl-ələ tutması, masada onların baş hərflərinin yazılması və Həbibiyə evlilik təklifi olunması müzakirə mövzusuna çevrilib.
 
Day.Az qafqazinfo-ya istinadən xəbər verir ki, Natavanın mediadan gizlətdiyi şəxs məşhur repçi Dado Əliyevdir. Bundan başqa, repçinin əsl adı Səiddir və fotodan göründüyü kimi stol üzərində onun rəsmi adının baş hərfi, yəni "S" qeyd olunub. 
 
Bundan əlavə, Dado da rəsmi instaqram səhifəsində sözügedən fotonu paylaşıb
 
Bu məqamda qeyd edək ki, cütlük mərhum repçi  Hüseyn Dəryanın xatirəsinə həsr olunmuş "Yat, dostum" adlı duet oxuyublar və birlikdə klipə çəkiliblər.

---------
10:25

Müğənni Natavan Həbibi toya hazırlaşır. 

Day.Az axşam.az-a istinadən bildirir ki, ifaçıya artıq nişanlısı tərəfindən evlilik təklifi də edilib. Nişanlısı ilə əllərinin fotosunu paylaşan Natavan təklifə müsbət cavab verib.

Sosial şəbəkə istifadəçiləri də N.Həbibini ərə getməyi münasibətilə təbrik ediblər. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.