Bu şəxslərin Azərbaycana girişinə qadağa qoyuldu

18 июня 2017 13:27

Day.Az представляет новость на азербайджанском языке

May ayında Dövlət Miqrasiya Xidmətinə (DMX), əcnəbilərin və vətəndaşlığı olmayan şəxslərin Azərbaycan Respublikasında olduğu yer üzrə qeydiyyata alınması ilə bağlı 56600 müraciət daxil olub.

Day.Az Sputnik.az-a istinadən xəbər verir ki, may ayında əcnəbilərə və vətəndaşlığı olmayan şəxslərə Azərbaycan Respublikasının ərazisində müvəqqəti və daimi yaşamaq üçün icazələrin alınması və ya müddətlərinin uzadılması ilə bağlı 3708 müraciət, şəxsin Azərbaycan Respublikasının vətəndaşlığına mənsubiyyətinin müəyyənləşdirilməsi ilə bağlı 2768 müraciət daxil olub.

Qeyri-qanuni miqrasiya ilə bağlı ölkə ərazisində olma, habelə müvəqqəti və daimi yaşama qaydalarına əməl etmədən inzibati qanunvericiliyin tələblərinin pozulması ilə bağlı 1856 hal qeydə alınıb. Ölkə ərazisində yaşamanın leqallaşdırılması ilə bağlı 220 hal, inzibati qaydada çıxarılmamaqla inzibati cərimə tətbiq olunmailə bağlı 887 hal qeydə alınıb. 458 nəfər isə inzibati cərimə tətbiq olunaraq ölkədən deportasiya edilib. Miqrasiya Məcəlləsinin 16.1.8-ci maddəsinə əsasən, 264 nəfərin ölkə ərazisinə gəlişi məhdudlaşdırılıb. Ölkə ərazisində müvəqqəti və daimi yaşamaq üçün icazə sənədinin itirilməsi ilə bağlı isə 27 hal qeydə alınıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.