"Azərbaycandakı məcburi köçkünlər də beynəlxalq qurumlar tərəfindən miqrant sayılırlar"

19 июня 2017 12:19

Day.Az представляет новость на азербайджанском языке

Azərbaycandakı məcburi köçkünlər də yalnız BMT-nin Miqrasiya Təşkilatının (BMqT) tərəfindən deyil, bütün beynəlxalq qurumlar tərəfindən miqrant sayılırlar.

Day.Az Trend-ə istinadən xəbər verir ki, bunu jurnalistlərə BMT-nin Miqrasiya Təşkilatının (BMqT) Azərbaycandakı nümayəndəliyinin rəhbəri Serhan Aktoprak jurnalistlərə deyib.

Dünyada təqribən 250 milyon nəfər beynəlxalq, 750 milyon daxili miqrantın olduğunu açıqlayan S.Aktoprakın sözlərinə görə, ölkələr inkişaf etdikcə ölkələrə gələn miqrantların sayı və miqrantların aid olduğu ölkələrin çeşidliliyi artır:

"Azərbaycan da inkişaf etdikcə - hamımız şahidiyik ki, inkişaf edir - Azərbaycana da çoxlu ölkələrdən miqrantlar gələcəklər. Biz miqrantların gəlməsindən qorxmalı deyilik. Birincisi, Dövlət Miqrasiya Xidməti bunlara hazırdır. İkincisi də, miqrantlar özləri ilə yeni, bölüşülə biləcək ideyalar, təcrübələr gətirirlər. Beləliklə də, həm professional sahədə, həm də mənşə ölkələri ilə Azərbaycan arasında mədəni əlaqələrin daha da güclənməsinə töhfə verirlər. Bu da müsbət haldır".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.