Çexiyada ümummilli lider Heydər Əliyevin 90 illik yubileyi qeyd olunmuşdur - FOTO

Çexiya Respublikasının Praqa şəhərində 17 may 2013 cü il tarixində Azərbaycan Respublikasının Çexiyadakı səfirliyinin və Dünya Azərbaycanlı Gənclər Birliyinin dəstəyi ilə Ümummilli lider Heydər Əliyevin anadan olmasının 90 illik yubiley gecəsi qeyd olunmuşdur.Yubiley Praqa Azərbaycanlı Gənclər Tələbə Assosiasiyasının (AYSAP) təşkilatçılığı ilə keçirilmişdir. Tədbir çərçivəsində ulu öndər Heydər Əliyevin həyatı və siyasi fəaliyyətindən bəhs edən sənədli film, həmçinin "Əsrin Müqaviləsi" Bakı-Tiflis-Ceyhan neft boru kəməri haqqında film nümayiş etdirilmişdir.

Tədbirdə yerli ictimai xadimlər, diaspora nümayəndələri, xarici qonaqlar və Polşada təhsil alan azərbaycanlı tələbələr iştirak etmişlər. Sözü gedən tədbir Azərbaycan xalq mahnıları, Ulu Öndər Heydər Əliyevə həsr olunmuş slayd təqdimatla başa çatmışdır.