Azəri Günel: "İbrahim Tatlısesi aldatmaq olmur"

Day.Az представляет новость на азербайджанском языке.

Azəri Günel tanınmış prodüser-aparıcı Acun Ilıcalının kanalı "TV8"də yayımlanan "Aramızda kalsın" proqramının qonağı olub.
 

Milli.Az qafqazinfo.az-a istinadən xəbər verir ki, ifaçı verilişin aparıcıları Pelin Çini ilə Salih Keçecinin suallarını cavablandırıb.
 

"Müğənni olmasam, yenə də incəsənət adamı olardım. Yağlı boya ilə şəkil çəkirəm, rəssam da ola bilərdim. Rəqslə, folklorla məşğul oluram. Dedektiv və ya vəkil də olmaq istəyirdim. Hər şeylə maraqlanıram. Lakin dedi-qodu etməyi sevmirəm, başqasının arxası ilə danışmaq mənə yaraşmaz", - deyən ifaçı daha sonra uşaqlıq xatirələrindən danışıb:
 

"On iki yaşımda Türkiyəyə gəldim, ilk olaraq "Didem" mahnısını ifa etdim, klip çəkdirdik. Bir müddət sonra "Beni anneme götürün" mahnısını yazdırmaq üçün studiyaya getdim, mahnını duyğusal oxumalıydım. Dedilər ki, düşün anan ölüb. On üç yaşım vardı, ağlamağa başladım, dedim oxumayacam. Ağlaya -ağlaya oxudum. İbrahim Tatlısesi aldatmaq olmur".