Günay Musayeva: "Tolqa evli olanda da oğlu ilə maraqlanmırdı"

Day.Az представляет новость на азербайджанском языке:

Türkiyədə fəaliyyət göstərən model Günay Musayeva boşanmağa hazırlaşdığı həyat yoldaşı Tolqa Karelin sevgilisi ilə görüntülənməsinə münasibət bildirib.

"Qafqazinfo" Türkiyə mətbuatına istinadən xəbər verir ki, model Karelin evliykən də qadınlarla birlikdə vaxt keçirdiyini qeyd edib:
 

"Dəyişən bir şey yoxdur, Tolqa əvvəllər də belə idi. Rəsmi olaraq boşanacağıq. Artıq hər şey bitib. Sadəcə əvvəllər oğlum üçün susurdum, hər zaman hadisələrdən kənarda qalırdım, Tolqanın hərəkətlərinə səs çıxartmırdım, mənə qarşı edilən haqsızlıqlardan bəhs etmirdim. İstəmirdim ki, gələcəkdə oğlumu narahat edəcək sözlər danışım. Artıq barışıq ola bilməz".

Musayeva Karelin oğluna vaxt ayırmadığından da gileylənib:
 

"Bayramda gəlib oğlunu görmədi. Mən istəyirəm ki, gəlib Cahangirlə vaxt keçirsin. Qadın olaraq güclü olmağa çalışaram. Oğluma həm ana, həm də atayam. Oğlumun məni qucaqlaması, mənə bəs edir. Onun üçün hər şey edərəm. Tolqa biz evli olan zaman oğlu ilə maraqlanmayıb, boşandıqdan sonra oğluma vaxt ayıracağına inanmıram".