Namiq Qaraçuxurlu qadınlar və kişilər üçün ayrı toy edəcək
Day.Az представляет новость на азербайджанском языке:

Toya hazırlaşan meyxanaçı Namiq Qaraçuxurlu təəssüratlarını bölüşüb.

Axşam.az-a açıqlama verən sənətçi oktyabrda nikah masasına oturacağını bildirib:

"Şəxsi məsələləri açıb-ağartmağı sevmirəm. Ailə mövzusunu gündəmə gətirməyə qarşıyam. Çünki danışıldıqca, söz-söhbət yaranır. Mediada yaxın dostlarım var ki, onlarla söhbət zamanı nəsə bölüşürəm. Çünki insan şad günündə xoş hisslər keçirir, onu başqaları ilə bölüşmək istəyir. Tam özümə qapana bilmirəm. Bu yaxınlarda telekanallardan birinə açıqlama verdim ki, qonaqların telefonu qapıda alınacaq. Bu zarafat idi. Belə hərəkət biabırçılıq olar. Bir gündə iki toy edəcəm. Birində yalnız xanımlar olacaq. İkinci isə kişi məclisidir. Bütün dostlarım, tanışlarım kişi məclisinə dəvətlidir. Burada çəkiliş aparmaq problem deyil. Sadəcə, bəzi dövlət işçiləri var ki, mediada görünmək istəmirlər. Qonaqlar öz fotolarını istədikləri kimi çəkə bilərlər. Bir ara planlaşdırırdım ki, gizlin toy edim, sonra xəbəri yayılar. Heyif ki, bu niyyətim baş tutmadı".