"Min bir gecə"nin aktrisası vəfat etdi

Day.Az представляет новость на азербайджанском языке.

Son olaraq "Racon" serialı ilə ekranlara gələn, teatr, film və serial aktrisası Tomris İncer 67 yaşında vəfat edib.

Axşam.az-ın Türkiyə mediasına istinadən məlumatına görə, T.İncerin ölüm xəbərini həmkarı Levent Kazak Tvitterdə yazıb: "Böyük bir ustadı itirdik. O, səhnəyə, səhnə də ona aşiq idi. Gülə-gülə".

Qeyd edək ki, xərçəng xəstəliyindən müalicə alan aktrisa xəstəxanadan sevənləri üçün video da yayımlamışdı. Sənətçiyə sosial şəbəkələrdə dəstək mesajları gəldiyi zamanda çəkildiyi "Min bir gecə" serialını Argentinada izləyən fanatlarından da sevgi məktubları gəlmişdi.

Xatırladaq ki, T.İncer 2006-cı ildə "Min bir gecə", 2010-cu ildə "Aşk və cəza" seriallarına çəkilib. 1948-ci ildə anadan olan aktrisa bir çox film və seriallarda tamaşaçı qarşısına çıxıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.