Uşaqların 1 yaşından bağçaya verilməsi rəsmiləşdi

18 мая 2018 15:14

Day.Az представляет новость на азербайджанском языке

Milli Məclisdə "Təhsil haqqında" qanuna dəyişiklik müzakirə olunub.

Day.Az Trend-ə istinadən xəbər verir ki, qanun layihəsi haqqında məlumat verən Milli Məclisin Elm və Təhsil Komitəsinin sədri İsa Həbibbəyli söyləyib ki, qanuna təklif edilən dəyişiklikdə Azərbaycanda uşaqların məktəbəqədər təhsil müəssisələrinə 3 yaşından verilməsi ilə bağlı müddəanın dəyişdirilməsi, bunun əvəzinə uşaqların 1 yaşından məktəbəqədər təhsil müəssisələrinə cəlb edilməsi nəzərdə tutulub.

Onun sözlərinə görə, "Təhsil haqqında" qanununun mövcud variantına əsasən, məktəbəqədər təhsil 3 yaşından başlayır: "Amma uşağı 3 yaşından məktəbəqədər müəssisəyə cəlb etmək bir qədər gecdir. Əhalinin real tələbatını ödəmək başlamaq məqsədilə "Məktəbəqədər qədər təhsil haqqında" qanunda məktəbəqədər təhsilin 1 yaşından başlanılması qərara alınıb. Dünyada hətta 2, 3 aylıqdan uşaqların bağçalara verilməsi faktı var. Amma Azərbaycanda reallıq budur ki, uşaq 1 il ana tərbiyəsi almalıdır. Biz "Təhsil haqqında" qanunda da uşaqların 1 yaşından bağçaya verilməsi ilə bağlı dəyişikliklərin edilməsini təklif edirik".

Qanun layihəsi müzakirələrdən sonra qəbul olunub.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!