"İrana tarixdə misli görünməmiş ən sərt sanksiyalar tətbiq edə bilərik"

"ABŞ İrana qarşı misilsiz təzyiq göstərmək, o cümlədən tarixdə ən sərt sanksiyalar rejimi tətbiq etmək niyyətindədir".

Day.Az Trend-ə istinadən xəbər verir ki, bunu Vaşinqtonda çıxışı zamanı ABŞ dövlət katibi Mayk Pompeo deyib.

ABŞ dövlət katibi vurğulayıb ki, ilk növbədə İrana qarşı maliyyə təzyiqi göstəriləcək:

"Tehrandakı liderlər bizim niyyətimizin ciddiliyini başa düşməlidir. Əgər rejim öz kursunu dəyişməsə, sanksiyalar getdikcə daha da güclənəcək".

 

Eyni zamanda M.Pompeo bildirib ki, ABŞ İranın nüvə proqramı üzrə yeni saziş bağlamağa da hazırdır:

"Bizim məqsədimiz ABŞ xalqını müdafiə etməkdir. İstənilən yeni saziş İranın nüvə silahına sahib olmayacağını təmin etməlidir".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.