Azərbaycanlı aktyor: "Tarkan kimi üstümə axışmasalar da, məşhurluğum mənə mane olur"
Day.Az представляет новость на азербайджанском языке
Aktyor Elnur Hüseynovun Milli.Az-a müsahibəsi.
- Elnur bəy, həm ssenari yazarısınız, həm də aktyor. Başqa hansı vəzifələriniz var?
- Bəli, mən həm ssenaristəm, həm aktyor, işimdən başqa da ailə başçısıyam.
- Sizə doğma olan hansıdır?
- Təbii ki, ata. Allah hamının balasını saxlasın, iki övladım var, özümü ata kimi daha məsuliyyətli hiss edirəm.
- Ata kimi daha çox nəyə diqqət edirsiniz?
- Düzdür, mənim övladlarım o qədər də böyük deyil, birinin 4, digərinin 5 yaşı var. Çalışıram ki, onlar azad böyüsünlər. Əsas onların tərbiyəsidir. Böyüklərə qarşı diqqətli olsunlar və vətənə layiqli övlad olsunlar.
- Yazdıqlarınızı və oynadıqlarınızı təlim-tərbiyə baxımından nəzərə alırsınız?
- Bəli, biz ssenari yazanda fikirləşirik ki, buna bizim ailəmiz, azyaşlı övladlarımız baxacaq. Elə yazmışıq ki, bu, onlara mənfilik gətirməsin.
- "Bacanaqlar" serialında tez-tez mövzu və aktyor dəyişir. Bu axtarışın səbəbi nədir?
- Tamaşaçılar həmişə yeni nələrsə istəyir. Biz məcburuq ki, hər mövsüm mövzunu dəyişək, hər mövsüm də, demək olar ki, mövzunu dəyişirik. Serial hər həftə gedir, tamaşaçı yenilik istəyir. Biz də o yeniliyi edirik. 10-cu mövsümdür ki, "Bacanaqlar" serialı efirdədir və elə bir mövsüm olmayıb ki, mövzunu dəyişməyək.
- Səhvlərinizi görüb, irad tutanlar olur?
- Müasir komediyamıza "vayn" anlayışı gəlib. "Vayner"lərə münasibətiniz necədir?
- Vayn gözəl bir istiqamətdir. Ordan da görürəm ki, yaxşı aktyor, ssenaristlər yetişir.
- 12-13 il öncə "Ağsaqqal" obrazı ilə sevildiniz. Niyə onu "Qismət"ə dəyişdiniz?
- Eyni ampulada çıxış etmək istəmədim. Ömür boyu "Ağsaqqal" kimi qalmaq yorucu idi. Belə olsaydı, həm özümü, həm də tamaşaçını bezdirəcəkdim.
- Elməddini bir aktyor kimi bəyənirsiniz, yoxsa Fərdanı?
- Hər birinin öz tamaşaçısı var. Demək olmaz ki, bu zəifdir, o güclüdür. Onlar heç vaxt rəqabətdə olmayıblar, öz aralarında bir-birinə simpatiyaları, gözəl münasibətləri var.
- Məşhurluğunuz sizə mane olur?
- Bəli, bəzi hallarda mane olur. Mən demirəm ki, Tarkan kimi küçəyə çıxanda hamı üstümə axışır. Amma istəyirsən ki, rahat olasan. İstirahət edəndə heç kimin gözü sənin üstündə olmasın.
- İstədiyiniz yerdəsiniz?
- Xeyr, Elnur istədiyi yerdə deyil. Elnur istədiyi yerdə olsa, tükənər. Mən daim işdə-gücdə olmalıyam ki, inkişaf edim.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре