Azərbaycan banklarında fiziki şəxslərin əmanətlərinin həcmi açıqlandı

Day.Az представляет новость на азербайджанском языке

2018-ci ilin may ayında Azərbaycan banklarında fiziki şəxslərin əmanətlərinin həcmi 7,87 milyard manat təşkil edib.

Day.Az Trend-ə istinadən bildirir ki, bu barədə Azərbaycan Mərkəzi Bankının hesabatında deyilir.

Ötən ilin eyni dövrü ilə müqayisədə əmanətlərin həcmi 14,9 faiz, 2018-ci ilin əvvəli ilə müqayisədə isə 4,1 faiz artıb. Əmanətlərin böyük həcmi - 62,9 faizi və ya 4,95 milyard manatı xarici valyutadadır.

 

Hüquqi şəxslərin Azərbaycan banklarında əmanətləri 12,26 manat təşkil edib ki, bu da 2017-ci ilin may ayı ilə müqayisədə 16,9 faiz, ilin əvvəli ilə müqayisədə təxminən 6 faiz azdır.

Ümumilikdə hesabat dövründə Azərbaycan banklarında hüquqi və fiziki şəxslərin əmanətlərinin həcmi 20,13 milyard manata bərabər olub. Bu, bu ilin əvvəli ilə müqayisədə 3,5 faiz azdır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.