Anna Netrebko və Yusif Eyvazov Buenos-Ayresdə konsert proqramı ilə çıxış edəcəklər

11 августа 2018 00:07

Rusiyanın xalq artisti Anna Netrebko (soprano) və Azərbaycanın xalq artisti Yusif Eyvazov (tenor) avqustun 12-də və 15-də Buenos-Ayresdə Kolon Teatrında konsert proqramı ilə çıxış edəcəklər.

Milli.Az AZƏRTAC-a istinadən bildirir ki, konsertdə C.Verdi, R.Leonkavallo, Cakomo Puççini və P.Maskanyinin əsərləri səsləndiriləcək.

Dünya operasının ulduzu A.Netrebko yaddaqalan obrazlar yaratmaqla yanaşı, konsert proqramları ilə də çıxış edir. Onun solo diskləri bestsellerə çevrilib. Musiqiçi haqqında çəkilmiş sənədli filmlər Avstriya, Danimarka, Almaniya, Rusiya və İsveçrədə nümayiş olunub.

Karyerasına İtaliyanın teatr və konsert zallarında başlayan Y.Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. O, 2012-ci ildə Bakıda Vokalçıların Bülbül adına VI Beynəlxalq müsabiqəsinin qalibi olub. Y.Eyvazovun adı "Dünyanın ən yaxşı tenorları" kitabında yer alıb.

Самое важное и срочное мы публикуем на странице в Telegram. Подпишись!