"Mercedes" "KamAZ"a çırpıldı, ana və qızı xəsarət aldı

15 сентября 2018 09:48

Day.Az представляет новость на азербайджанском языке

Salyan rayonunda iki nəfərin xəsarət alması ilə nəticələnən yol qəzası baş verib.

Report xəbər verir ki, rayonun Noxudlu kəndi ərazisində "Mercedes" markalı minik avtomobili qarşıdan gedən "KamAZ" markalı yük maşınına çırpılıb.

Nəticədə minik avtomobilində olan sərnişinlər - 1964-cü il təvəllüdlü Oğuz rayon sakini Əliyeva Gülnarə İbrahim qızı və onun Bakıda yaşayan 1988-ci il təvəllüdlü qızı Əbilova Aynur Mürşüd qızı müxtəlif dərəcəli bədən xəsarətləri alıb. Ana və qızı Salyan Mərkəzi Rayon Xəstəxanasına çatdırılıb və onlar ilkin tibbi yardım göstərildikdən sonra ambulator müalicəyə buraxılıb.

Faktla bağlı araşdırma aparılır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!