Atatürk Hava Limanının köçürülməsinə start verildi

15 сентября 2018 16:44

Day.Az представляет новость на азербайджанском языке

İstanbulda inşa olunan yeni hava limanının istifadəyə verilməsi üçün hazırlıq işləri başa çatmaq üzrədir.

Milli.Az AZƏRTAC-a istinadən bildirir ki, artıq Atatürk Hava Limanının texnika və avadanlığının "İstanbul New Airport"a köçürülməsinə başlanılıb. Sentyabrın 14-də yola çıxan 20 ağır tonnajlı maşın mənzil başına çatıb.

Qeyd edək ki, "İstanbul New Airport"unun oktyabrın 29-da - Türkiyə Respublikasının qurulmasının 95-ci ildönümü günü istifadəyə verilməsi planlaşdırılır.

İstanbul valisi Vasip Şahin bildirib ki, Atatürk Hava Limanının köçürülməsində 5 mindən çox ağır tonnajlı maşından istifadə olunacaq.

"Türk Hava Yolları"nın (THY) baş direktoru Bilal Ekşi isə az əvvəl verdiyi açıqlamasında deyib ki, "İstanbul New Airport"undan ilk uçuş Azərbaycana həyata keçiriləcək.

Digər xəbərləri Azərbaycan dilində xüsusi Facebook səhifəmizdə izləyə bilərsiniz

Самое важное и срочное мы публикуем на странице в Telegram. Подпишись!