ABŞ-da qasırğa qurbanlarının sayı 11 nəfərə çatıb

16 сентября 2018 11:59

Day.Az представляет новость на азербайджанском языке

ABŞ-ın Şimali Karolina ştatının Kamberlend dairəsində "Florens" qasırğası qurbanlarının sayı daha üç nəfərin ölümündən sonra 11-ə çatıb.

"Report" RİA "Novosti"yə istinadən xəbər verir ki, bu barədə "Fox" teleşirkətinin yerli şöbəsi məlumat yayıb.

Hazırda üç nəfərin nədən öldüyü məlum deyil.

"Florens" qasırğası cümə günü ABŞ-ın Atlantik okeanı sahillərinə çatıb və artıq zəifləməyə başlayıb. Hazırda onun səviyyəsi qasırğadan aşağıdır.

Şimali və Cənubi Karolina ştatlarında 27 min sakin təbii fəlakət səbəbindən müvəqqəti sığınacaqlardadır. Yüzminlərlə istehlakçı işıqsız qalıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz

Самое важное и срочное мы публикуем на странице в Telegram. Подпишись!