"Sabah"ın baş məşqçisi: "Premyer Liqada qalmaq hədəfimiz dəyişməyib"

16 сентября 2018 22:06

Day.Az представляет новость на азербайджанском языке

Azərbaycan Premyer Liqasının IV turunun "Qəbələ" ilə ev oyunundan sonra "Sabah" komandasının baş məşqçisi Elşad Əhmədov mətbuat konfransı keçirib.

Day.Az "Report"a istinadən bildirir ki, 48 yaşlı mütəxəssis əvvəlcə oyun barədə fikirlərini bölüşüb.

- Qələbə qazanmaq üçün bizdə istək daha çox idi. Uşaqlara təşəkkür edirəm ki, azlıqda qalsaq da, qələbə hesabını qoruya bildilər. Bəlkə də bəxtimiz gətirdi.

Qarşınıza hansı məqsəd qoyulub?

- Premyer Liqada qalmaq hədəfimiz dəyişməyib.

Artıq 2-ci oyundur komandanız fasilədən sonra qapanır. Bunun səbəbi fiziki cəhətdən çatdırmamaqdadır, yoxsa taktiki gedişdir?

- 21 gün fiziki hazırlığa diqqət yetirdik. Bu baxımdan problemimiz yoxdur. Sadəcə, yeni komandayıq. Azlıqda qaldıqda necə oynamalı, hesabda irəlidə olarkən hansı gedişləri etməli olduğumuzu bilmək üçün zamana ehtiyac var.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!