"Malta ilə görüş Farer adaları üzərində qələbədən də önəmlidir"

Day.Az представляет новость на азербайджанском языке

"Ağır səfərdən qayıtmışıq. Səfərdə vacib qələbə qazanmışıq. Malta ilə görüş bundan da önəmlidir. Komandada əhval-ruhiyyə yaxşıdır".

Day.Az "Report"a istinadən bildirir ki, bunu Azərbaycan millisinin futbolçusu Maksim Medvedev UEFA Millətlər Liqasının IV turunda Malta yığması ilə oyundan əvvəl deyib.

Təcrübəli müdafiəçi Bakı Olimpiya Stadionunda təşkil edilən mətbuat konfransında matçla bağlı fikirlərini bölüşüb:

"İstərdik ki, azarkeşlərin sayı çox olsun. Son qələbədən sonra daha çox adamın gələcəyini düşünürəm. Onları qələbə ilə sevindirməyə çalışacağıq".

Qeyd edək ki, oktyabrın 14-də Bakı Olimpiya Stadionunda keçiriləcək matç saat 20:00-da başlayacaq.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.