Bakı şəhərinin inkişaf konsepsiyası yaxın aylarda yekunlaşacaq
Day.Az представляет новость на азербайджанском языке
Dövlət Şəhərsalma və Arxitektura Komitəsi bir neçə ay ərzində Bakı şəhərinin inkişaf konsepsiyasını yekunlaşdırmağı planlaşdırır.
Day.Az AZƏRTAC-a istinadən bildirir ki, bu barədə komitə sədri Samir Nuriyev deyib.
Onun sözlərinə görə, ilin sonunadək beynəlxalq nüfuzlu şəhərsalma və memarlıq şirkətinin açıq tender vasitəsilə bu prosesə cəlb edilməsi nəzərdə tutulub. Eyni zamanda, gələn ilin əvvəlindən Baş Planın texniki hissəsinin işlənilməsinə başlanılacaq.
Baş Planın təsdiqindən sonra onun icrasına nəzarət sisteminin qurulması mexanizminin də çox vacib olduğunu vurğulayan S.Nuriyev bildirib ki, Bakının inkişaf konsepsiyasının hazırlanması prosesində bütün müvafiq qurumlarla əməkdaşlığa başlanılıb.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре