Azərbaycan qazının Bolqarıstana nəqli üçün kəmərin inşasına 3 aya başlanılacaq

11 января 2019 19:00

Day.Az представляет новость на азербайджанском языке

Azərbaycan qazının Bolqarıstana nəqli üçün Yunanıstanla interkonnektorun (Interconnector Greece-Bulgaria-IGB) inşasına 3 aya başlanılacaq.

Milli.Az-ın məlumatına görə, "Report" Bolqarıstan KİV-inə istinadən xəbər verir ki, bu barədə bu ölkənin energetika naziri Temenujka Petkova bildirib.

"Ən geci 3 ay ərzində IGB-nin inşasına başlanmalıdır. Layihə 2020-ci ilin ikinci yarısında yekunlaşmalıdır. Bununla da Azərbaycanla 1 mlrd. kubmetr qazın nəqli üçün imzalanan müqavilənin icrasına başlanılacaq. Burada təbii qaz nəqli üzrə mənbələrin şaxələndirilməsindən və Bolqarıstan qaz bazarında rəqabət mühitindən söhbət gedir", -nazir əlavə edib

 

Qeyd edək ki, "Şahdəniz-2" yatağından Cənub Qaz Dəhlizi ilə nəql olunacaq təbii qaz Bolqarıstana ixrac olunacaq. Bu ölkə IGB vasitəsilə ildə 1 mlrd. kubmetr Azərbaycan qazı alacaq. Belə ki, Bolqarıstanın dövlət qaz şirkəti "Bulgargaz EAD" "Şahdəniz" yatağının II fazasının işlənməsi çərçivəsində ildə 1 mlrd. kubmetr qazın nəqli ilə bağlı "Şahdəniz" konsorsiumu ilə müqavilə imzalayıb.Azərbaycan təbii qazı Bolqarıstanın qaz istehlakının təxminən 25-30%-ni qarşılayacaq. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!