Yeni robot onurğada əməliyyat həyata keçirə biləcək - VİDEO
Alimlər insanla müqayisədə daha dəqiq onurğa əməliyyatları yerinə yetirən robot hazırlayıblar.
Milli.Az oxu.az-a istinadən bildirir ki, robot kifoz və skoliozun müalicəsində inqilab edə bilər.
"Scoliobot" (yunanca "skolios" - əyri və robot sözlərinin birləşməsindən əmələ gəlib) robotu sümükdə 0,1 mm dəqiqliklə dəlik açmağa qadirdir. Bu uğura heç bir cərrah nail ola bilməyib.
Professor Filip Bridonun rəhbərliyi ilə Nottinqem Trent Universitetindən olan heyət cərrah işini yerinə yetirən iki robotlaşdırılmış "əl" hazırlayıb. Onurğanın düzləşdirilməsi əməliyyatı zamanı hər bir onurğa sümüyündə dəliklər açmaq lazımdır. Sonra vidalar quraşdırılır və elastik sterjen yerləşdirilir.
Hazırda robot sınaq mərhələlərini keçir, alimlər "Scoliobot"un yaxın beş il ərzində əməliyyat otağında çalışacağına ümid edirlər.
Videonu izləmək üçün şəklə klikləyin:
Заметили ошибку в тексте? Выберите текст и сообщите нам, нажав Ctrl + Enter на клавиатуре