Yumurta sarısını tez-tez qəbul edin - Nevroloqlardan çağırış

13 января 2019 08:37

Day.Az представляет новость на азербайджанском языке

Arizona universitetinin nevroloqları insanlara qida rasionunda xolinin səviyyəsinin normada olmasına diqqət yetirməyə səslənib.

Hamilə qadınlar gündə minimum 500 mq xolin qəbul etməlidirlər. Bu birləşmə sinir hüceyrələri arasında impulsların ötürülməsi üçün vacibdir.

Xolin bütünlükdə sinir sistemi üçün dayaq rolunu oynayır.

Day.Az medicina.az-a istinadən bildirir ki, xolin daha çox yumurta sarısında, mal qaraciyərində, ətdə, balıqda, süddə, pendirdə olur. Az miqdarda araxis, pomidor, kök, kələmdə var.

Siçanlar üzərində aparılan təcrübə göstərib ki, Alzheymer xəstəliyinin qarşısının alınmasında xolin rol oynayır. Hamiləlik dönəmində xolinlə zəngin qidalar yeyən siçanların balalarında yaddaş daha güclü olmuşdur.

Bu effekt hətta nəsildən-nəsilə də ötürülüb.

Xolin beyində toksiki çöküntülərin də olmasının qarşısını alır. Beyni ziyanlı maddələrdən təmizləyir. Ona görə xolinlə tam təmin olunmağınıza çalışın.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!