Marselo “Real”dan gedir

Day.Az представляет новость на азербайджанском языке

İspaniyanın "Real Madrid" klubunun müdafiəçisi Marselonun İtaliya klubu "Juventus"a keçməsi ilə bağlı məlumat yayılıb.

Yenicag.az İspaniyanın məşhur AS nəşrinə istinadla xəbər verir ki, iddiaya görə, ötən yay "Real"dan "Juventus"a transfer olan Kriştiano Ronaldo braziliyalı futbolçunu da Turinə aparmağa çalışır. Yaxın dost olan futbolçuların daim bir-biri ilə əlaqə saxladığı və portuqaliyalı ulduzun Marseloya "Juventus"a keçməyi məsləhət gördüyü bildirilir. 30 yaşlı oyunçu da yaxın ətrafı ilə söhbətində belə bir keçidin mümkünsüz olmadığını söyləyib.

Qeyd edək ki, Marselo La Liqanın son 2 turunda 6 kq artıq çəki səbəbindən ehtiyatda qalıb. Hər iki matçda onu 22 yaşlı Serxio Reqilon əvəz edib. Braziliyalının "Real"la 2022-ci ilin yayına qədər müqaviləsi var.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.