Bakıda kafedə güclü yanğın: 12 nəfər təxliyə olundu

Day.Az представляет новость на азербайджанском языке

Bakıda kafe yanıb. 

Fövqəladə Hallar Nazirliyinin mətbuat xidmətinin yaydığı məlumata görə, hadisə Nəsimi rayonunda baş verib. 

Beşmərtəbəli yaşayış binasının birinci mərtəbəsində ümumi sahəsi 100 m² olan kafenin iki otağının taxtadan ibarət üzlüyü 10 m² sahədə yanıb, yüksək temperaturdan lambirdən ibarət tavanı 100 m² sahədə əriyib. 

Yanğın zamanı 12 nəfər bina sakini yanğınsöndürənlər tərəfindən təhlükəsiz əraziyə təxliyə olunub. Kafenin qalan hissəsi və mənzillər yanğından mühafizə olunub. 

Yanğın yanğından mühafizə bölmələri tərəfindən söndürülüb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz