Milli Məclis Azərbaycan polisinə təşəkkür etdi
Milli Məclis UEFA final matçında ictimai asayişi yüksək səviyyədə təşkil etdiyinə görə, Azərbaycan hüquq-mühafizə orqanlarına və polisə minnətdarlığını bildirib.
Day.Az "Ölkə.Az"a istinadla xəbər verir ki, millət vəkili Çingiz Qənizadə parlamentin bu gün keçirilən plenar iclasında mayın 29-da Arsenal-Çelsi oyunu zamanı hüquq-mühafizə orqanları və polisi ictimai asayişin və təhlükəsizliyin yüksək səviyyədə təmin etmək qabiliyyətini ortaya qoyduğunu qeyd edib.
"Azərbaycanın hüquq-mühafizə orqanlarının və polisinin belə mötəbər tədbirlərin yüksək səviyyədə təhlükəsizliyinin təmin olunması bacarığını bir daha ortaya qoydu. Onların bu əməyini yüksək dəyərləndirmək və bu fəaliyyətlərinə görə minnətdarlığımızı bildirməliyik"- Ç.Qənizadə deyib.
Milli Məclis sədri Oqtay Əsədov da məsələyə reaksiya verərək bildiirb ki, hüquq-mühafizə orqanları və polisin yüksək peşəkarlığı nəticəsində oyun çox yüksək səviyyədə keçdi:
"Bir sıra ölkələrdə belə futbol yarışları keçirilən zaman azarkeşlər arasında xoşagəlməz hallar baş verir. Ancaq Azərbaycan hüquq-mühafizə orqanlarının və polisin yüksək peşəkarlığı nəticəsində oyun yüksək səviyyədə keçdi. Hər hansı xoşa gəlməz hallar baş vermədi. Buna görə hüquq-mühafizə orqanlarına və polisə Milli Məclis adından minnətdarlığımız bildiririk".
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре