“Dəridən-qabıqdan çıxırlar ki, kimsə onlara “Gelandewagen” alsın”

Xalq artisti Nisə Qasımova dəbdəbəli həyatları ilə gündəmə gələn şou-biznes üzvlərindən danışıb.

Day.Az "Qafqazinfo"ya istinadla xəbər verir ki, müğənni "Show News" proqramına qonaq olarkən təkəbbürlü həmkarlarını tənqid edib:

"Geyimlərimin qiymətlərindən heç vaxt danışmamışam. Özümü bu cür tanıtmamışam. Mənə elə gəlir ki, 5 manatlıq parçadan da gözəl libaslar hazırlatmaq olar. Ümumiyyətlə, təkəbbürlü olmaqdan xoşum gəlmir. Bahalı geyimləri, maşını ilə öyünənlərdən acığım gəlir.

Məndə maşınların kralı olub. Heç vaxt bunu dilə gətirməmişəm. Bunların arzusunda olan insanlar var. Bir-biriləri ilə bəhsə girirlər, dəridən-qabıqdan çıxırlar ki, kimsə onlara "Gelandewagen" alsın. Elələri var ki, bu maşının həsrətindəndir. Onları qıcıqlandırmayaq, lazım deyil".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.