“The Walt Disney Company”nin rəhbəri “Apple”dən getdi – rəqabət başlayır

"The Walt Disney Company" kinostudiyasının rəhbəri Robert Ayger "Apple" şirkətinin Direktorlar Şurasının tərkibindən çıxıb. 

Day.Az oxu.az-a istinadla xəbər verir ki, bu barədə "The Hollywood Reporter" jurnalı yazıb.

Jurnalın məlumatına görə, Ayger sentyabrın 10-da "Apple"də vəzifəsini şirkət tərəfindən "Apple TV+" (noyabrın 1-də işə başlacaq - red.) video servisinin təfərrüatları açıqlandıqdan sonra tərk edib.

Qeyd edilir ki, videoservis noyabrın 12-dən "The Walt Disney Company" tərəfindən yayımlanacaq "Disney+"un rəqibi olacaq.

"Apple" öz bəyanatında direktorlar şurasında çalışdığına görə Aygerə təşəkkür edib və "Disney" ilə əməkdaşlığın davam edəcəyinə ümidvar olduğunu bildirib. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.