Koronavirusun qurbanı olan məşhurlar

Artıq bir ildən çoxdur ki, dünya Covid-19 infeksiyası ilə mübarizə aparır. Hər gün minlərlə insanı öldürən virus tanınmışlardan da yan keçməyib.

Day.Az axşam.az-a istinadən koronovirusun qurbanı olan məşhurları təqdim edir:

Ötən il dekabrın 22-də Xalq artisti Sabir Əliyev 72 yaşında vəfat edib. Müğənni koronovirus infeksiyasına yoluxub. uzun müddət xəstəxanada müalicə olunmasına baxmayaraq, həkimlər onu xilas edə bilməyiblər.

AzTV-nin kinoproqramlar və dublyaj redaksiyasının baş redaktoru, əməkdar incəsənət xadimi Etibar Kamal oğlu Babayev Covid-19 infeksiyasından dünyasını dəyişib.

Ötən ilin iyununda Xalq artisti Teymur Mustafayev vəfat edib. Müğənninin koronavirusa yoluxduğu ortaya çıxıb. Xəstəxanaya yerləşdirilən T.Mustafayevi xilas etmək mümkün olmayıb.

Azərbaycan Dövlət Akademik Opera və Balet Teatrının keçmiş solisti, Əməkdar artist İsmayıl Ələkbərov vəfat edib. Bu ilin yanvarın 13-də dünyasını dəyişən aktyor koronovirus infeksiyasına yoluxub.