Oğlu qorxduğu üçün 8 milyonluq sarayını satır

Pop ulduz Robbi Vilyams 1 milyon funt sterlinqdən çox ziyanla olsa da, malikanəsini satmağa qərar verib.

Day.Az axşam.az-a istinadən bildirir ki, buna səbəb oğlu Teddinin öz otağından qorxmasıdır.

O, helikopter meydançası və futbol sahəsi olan villanı 6,75 milyon funt sterlinqə satışa çıxarıb.

Londondan təxminən 130 kilometr aralıda yerləşən mülk təxminən 72 hektarlıq parkın üzərində yerləşir. Kiçik bir saray olaraq qiymətləndirilən evdə 7 yataq, 8 vanna, 5 qonaq otağı, həmçinin qapalı hovuz, idman zalı və bilyard otağı var.

Qeyd edək ki, Robbi 2008-ci ildə 8,1 milyon funt sterlinqə satın aldığı malikanədə türk əsilli həyat yoldaşı Ayda Field və 4 övladı Teddi, Çarlton, Koko və Biu ilə birlikdə yaşayır.