“Evimə gəlib-gedən, bacı dediyim insan mənə xəyanət etdi”

ARB TV-nin "Onun Sirri" verilişinin növbəti qonağı Əməkdar artist Fərqanə Qasımova olub.

Day.Az xəbər verir ki, Əməkdar artist yaxın bildiyi şəxsin ona mənəvi zərbə vurduğunu etiraf edib:

"Ailə dostlarımız gediş-gəlişimiz olan insanlardır. Çox yaxın olduğum, bacı bildiyim şəxs bilmədən mənə qarşı səhv etdi. Evimin içinə gəlib-gedən biri idi. Həmin şəxslə evimin içində olan bir sözü paylaşmışdım. O xanım da bilərəkdən, və ya bilməyərəkdən ona dediyim sözü başqasına demişdi. Ondan bunu gözləmirdim. Etdiyini özümə qarşı xəyanət kimi qəbul etdim. Sarsıldım, ağır dönəmdən keçdim. İllərlə bunun acısını yaşadım. Aramızdakı dostluq divarı uçuldu. Ondan uzaqlaşdım".