Türkiyənin “e-devlet” portalı ilə Azərbaycanın “e-gov” portalının inteqrasiyası həyata keçiriləcək
Sentyabrın 1-də "Teknofest" çərçivəsində Türkiyənin "e-devlet" portalı ilə Azərbaycanın "e-gov" portalının inteqrasiyasının təqdimatı həyata keçirləcək.
Day.Az bildirir ki, bunu Trend-ə açıqlamasında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib.
O qeyd edib ki, bu inteqrasiya ilə Azərbaycan vətəndaşı Türkiyəyə gəldikdə ona Azərbaycan dövlətinin verməli olduğu hər hansı bir sənəd tələb olunarsa və ya əksinə, Türkiyə vətəndaşı Azərbaycanda olarkən bir sənəd tələb olunarsa dərhal bu portallardan istifadə edə bilər.
"Bu, çox ciddi bir addmdır. 1 sentyabr tarixində "Teknofest"də bu inteqrasiyanın təqdimatı keçiriləcək", - deyə Ü.Mehdiyev əlavə edib.
Заметили ошибку в тексте? Выберите текст и сообщите нам, нажав Ctrl + Enter на клавиатуре