XİN -dən Misirdə qəzaya düşən ailə ilə bağlı

Misirdə avtomobil qəzasına düşmüş azərbaycanlı ailə (3 nəfər) ilə Misirdəki səfirliyimiz tərəfindən əlaqə saxlanılıb.

Azərbaycan Xarici İşlər Nazirliyinin (XİN) sözçüsü Ayxan Hacızadə Day.Az-ın sorğusuna cavab olaraq bildirib ki, həmvətənlərimiz yüngül xəsarətlər alıblar.

"Vəziyyətləri yaxşıdır. Artıq mehmanxanadadırlar və heç bir şikayətləri yoxdur", - deyə Hacızadə bildirib.