Pensiyaçılara ŞAD XƏBƏR - Özəl pensiya fondları ilə bağlı...

Özəl pensiya fondlarının yaradılması ilə bağlı genişmiqyaslı işlər aparılır.

Day.Az xəbər verir ki, bu barədə Mərkəzi Bankdan bildirilib. Qeyd edilib ki, Əmək və Əhalinin Sosial Müdafiəsi Nazirliyinin rəhbərliyi altında beynəlxalq təcrübələr araşdırılıb və ilkin qanunvericilik layihələri hazırlanıb. Xüsusilə, Rumıniya, Polşa, Fransa, Xorvatiya və Türkiyə kimi ölkələrin təcrübəsi öyrənilərək, qanun layihələrinin müasir və effektiv mexanizmlərə əsaslanması təmin olunub.

İqtisadçı-ekspert Rəşad Həsənovun sözlərinə görə, beynəlxalq təcrübədə özəl pensiya fondları maliyyə bazarlarının mühüm komponentlərindən biridir və bu sistem həm dövlətin, həm də vətəndaşın xeyrinədir.

Ekspert deyir ki, özəl pensiya fondları insanların maliyyə müstəqilliyini artıracaq və uzunmüddətli qazanc əldə etmək imkanı yaradacaq.

Ekspert məsələ ilə bağlı onu da qeyd etdi ki, vətəndaşlar daha çox dövlət təminatı olan mexanizmlərə etibar edirlər. Buna görə də əgər özəl pensiya fondu yaradılarsa, mütləq dövlət zəmanəti olmalıdır.

Mərkəzi Bank hesab edir ki, özəl pensiya fondlarının yaradılmasında həyat sığortası şirkətlərinin rolu əhəmiyyətlidir. Bu səbəbdən hazırda özəl pensiya fondlarının yaradılmasında həyat sığortası şirkətləri tərəfindən özəl  beynəlxalq təcrübənin öyrənilməsi, o cümlədən pensiya fondlarının fəaliyyətində sığortaçıların rolu, işlərin təşkili və digər effektiv mexanizmlərlə bağlı təhlillər aparılır.

Xezerxeber.az mövzu ilə bağlı daha ətraflı videomaterialı təqdim edir.